ഒരു മിനിറ്റ് ദൈർഘ്യമുള്ള തിരുവെഴുത്ത് വായന വ്യാഖ്യാനത്തോടൊപ്പം.

“ഇതാ, കന്യക ഗർഭിണിയായി ഒരു പുത്രനെ പ്രസവിക്കും, അവർ അവന്റെ പേർ ഇമ്മാനൂവേൽ എന്നു വിളിക്കും”(അതിനെ ദൈവം നമ്മോടുകൂടെ എന്ന് മൊഴിമാറ്റം ചെയ്തിരിക്കുന്നു).

മത്തായി 1:23

വിലയേറിയ പരിമള തൈലത്തിന്റെ വെൺകൽ ഭരണി കൈവശമുള്ള ഒരു സ്ത്രീ, അവന്റെ അടുക്കൽ വന്ന്, അവൻ ഭക്ഷണത്തിന് ഇരിക്കവേ, അത് അവന്റെ തലമേൽ ഒഴിച്ചു. എന്നാൽ ശിഷ്യന്മാർ അതു കണ്ടപ്പോൾ, അവർ കുപിതരായി പറഞ്ഞത്, ഈ പാഴ്ച്ചെലവ് എന്തിന്?

മത്തായി 26:7-8

അവൾ ഈ തൈലം എന്റെ ശരീരത്തിനുമേൽ ഒഴിച്ചിരിക്കുന്നത്, എന്റെ അടക്കത്തിനുവേണ്ടി ചെയ്തതാകുന്നു. ഈ സുവിശേഷം സർവലോകത്തിലും എവിടെയെല്ലാം പ്രഖ്യാപിക്കപ്പെടുന്നുവോ, ഈ സ്ത്രീ ചെയ്തത് അവളുടെ ഓർമയ്ക്കായി പറയപ്പെടുന്നതായിരിക്കും എന്നു സത്യമായി ഞാൻ നിങ്ങളോടു പറയുന്നു.

മത്തായി 26:12-13

അവർ കഫർന്നഹൂമിലേക്കു പോയി, ഉടനെ ശബ്ബത്തിൽ അവൻ സിനഗോഗിലേക്കു പ്രവേശിച്ച് അവരെ ഉപദേശിച്ചു.

മർക്കൊസ് 1:21

അനന്തരം ദൈവരാജ്യം എപ്പോൾ വരുന്നു എന്നു പരീശന്മാരാൽ ചോദ്യം ചെയ്യപ്പെട്ടപ്പോൾ, അവൻ അവരോട് ഉത്തരം പറഞ്ഞു, ദൈവരാജ്യം നിരീക്ഷണത്തോടെയല്ല വരുന്നത്; ഇതാ, അത് ഇവിടെ! അല്ലെങ്കിൽ അവിടെ! എന്നും അവർ പറയുകയില്ല. എന്തെന്നാൽ ഇതാ, ദൈവരാജ്യം നിങ്ങളുടെ മധ്യേ ഉണ്ട്.

ലൂക്കൊസ് 17: 20-21

ന്യായപ്രമാണം മോശെ മുഖാന്തരം നൽകപ്പെട്ടു; കൃപയും യാഥാർഥ്യവും യേശു ക്രിസ്തു മുഖാന്തരം വന്നു.

യോഹന്നാൻ 1:17

ദൈവത്തെ ആരും ഒരിക്കലും കണ്ടിട്ടില്ല; പിതാവിന്റെ മാറിലിരിക്കുന്ന ഏകജാതനായ പുത്രൻ, അവനെ പ്രഖ്യാപിച്ചിരിക്കുന്നു.

യോഹന്നാൻ 1:18

പിറ്റെന്നാൾ യേശു തന്റെ അടുക്കലേക്ക് വരുന്നത് കണ്ടിട്ട് അവൻ പറഞ്ഞു, ഇതാ, ലോകത്തിന്റെ പാപത്തെ നീക്കിക്കളയുന്ന ദൈവത്തിന്റെ കുഞ്ഞാട്!

യോഹന്നാൻ 1:29

യേശു അവനോട്, സത്യമായി, സത്യമായി ഞാൻ നിന്നോടു പറയുന്നു, ഒരുവൻ പുതുതായി ജനിച്ചില്ല എങ്കിൽ, അവന് ദൈവരാജ്യം കാണുവാൻ കഴിയുകയില്ല എന്ന് ഉത്തരം പറഞ്ഞു.

യോഹന്നാൻ 3:3

ഇവർ എല്ലാവരും, സ്ത്രീകളോടും യേശുവിന്റെ അമ്മ മറിയയോടും, അവന്റെ സഹോദരന്മാരോടും കൂടെ, ഒരുമനസ്സോടെ ദൃഢചിത്തരായി പ്രാർഥനയിൽ തുടർന്നു.

പ്രവൃത്തികൾ 1:14

പിന്നെ മറ്റനേകം വാക്കുകളാൽ, ഈ വക്രതയുള്ള തലമുറയിൽനിന്ന് രക്ഷിക്കപ്പെടുവിൻ എന്നു പറഞ്ഞുകൊണ്ട് അവൻ അവരോട് ഗൗരവത്തോടെ സാക്ഷ്യപ്പെടുത്തുകയും പ്രബോധിപ്പിക്കുകയും ചെയ്തു.

പ്രവൃത്തികൾ 2:40

എന്നാൽ അവൻ പരിശുദ്ധാത്മാവ് നിറഞ്ഞവനായി, സ്വർഗത്തിലേക്ക് സൂക്ഷിച്ചു നോക്കി, ദൈവത്തിന്റെ തേജസ്സും യേശു ദൈവത്തിന്റെ വലത്തുഭാഗത്ത് നിൽക്കുന്നതും കണ്ടു; ഇതാ, സ്വർഗം തുറന്നിരിക്കുന്നതും മനുഷ്യപുത്രൻ ദൈവത്തിന്റെ വലത്തുഭാഗത്ത് നിൽക്കുന്നതും ഞാൻ കാണുന്നു എന്ന് പറഞ്ഞു.

പ്രവൃത്തികൾ 7:55-56

നാം നിൽക്കുന്ന ഈ കൃപയിലേക്ക്, അവനിലൂടെ വിശ്വാസത്താൽ പ്രവേശനം നേടിയിരിക്കുകയും, ദൈവതേജസ്സിന്റെ പ്രത്യാശ നിമിത്തം പ്രശംസിക്കുകയും ചെയ്യുന്നു.

റോമർ 5:2

അതുകൊണ്ട് നിങ്ങൾക്ക് ആത്മാവിനെ ധാരാളമായി പ്രദാനം ചെയ്തുകൊണ്ട് നിങ്ങളുടെ ഇടയിൽ വീര്യപ്രവൃത്തികൾ ചെയ്യുന്നവൻ, ന്യായപ്രമാണത്തിന്റെ പ്രവൃത്തികളാലോ വിശ്വാസത്തിന്റെ കേൾവിയാലോ അത് ചെയ്യുന്നത്?

ഗലാത്യർ 3:5

എല്ലാറ്റിലും എല്ലാം നിറയ്ക്കുന്നവന്റെ നിറവായ അവന്റെ ശരീരമായ സഭയ്ക്ക് നൽകുകയും ചെയ്തു.

എഫെസ്യർ 1:23

ആർക്കെങ്കിലും എതിരായി ഒരുവന് പരാതിയുണ്ടെങ്കിൽ, അന്യോന്യം വഹിക്കുകയും അന്യോന്യം ക്ഷമിക്കുകയും ചെയ്യുവിൻ; കർത്താവ് നിങ്ങളോടു ക്ഷമിച്ചതുപോലെ നിങ്ങളും അങ്ങനെതന്നെ ക്ഷമിക്കണം.

കൊലൊസ്സ്യർ 3:13

എന്തെന്നാൽ സകല മനുഷ്യർക്കും രക്ഷ കൊണ്ടുവരുന്ന ദൈവകൃപ പ്രത്യക്ഷമായിരിക്കുന്നു

തീത്തൊസ് 2:11

നാം ചെയ്ത നീതിപ്രവൃത്തികളാൽ അല്ല, അവന്റെ കരുണപ്രകാരം പുനർജനന കഴുകലിലൂടെയും, നമ്മുടെ രക്ഷകനായ യേശു ക്രിസ്തു മുഖാന്തരം സമ്പന്നമായി നമ്മുടെ മേൽ അവൻ ഒഴിച്ച.

തീത്തൊസ് 3:5

അതുകൊണ്ട് കരുണ ലഭിക്കുവാനും തക്കസമയത്തേക്കുള്ള സഹായത്തിനായി കൃപ കണ്ടെത്തുവാനും നമുക്ക്ധൈ ര്യത്തോടെ കൃപയുടെ സിംഹാസനത്തിലേക്കു മുമ്പോട്ടുവരാം

എബ്രായർ 4:16

ആദിമുതലുള്ളതും, ഞങ്ങൾ കേട്ടതും, ഞങ്ങളുടെ കണ്ണുകൾ കൊണ്ട് കണ്ടതും, ഞങ്ങൾ നോക്കിയതും ഞങ്ങളുടെ കൈകൾ കൈകാര്യം ചെയ്തതുമായ, ജീവന്റെ വചനം സംബന്ധിച്ച്.

1 യോഹന്നാൻ 1:1